Kjeld - Skym (2015)

Frysktalige black metal, ik hie einst nea tocht dat sokker musyk bestean soe. Oant in pear moannen lyn. Doe lies ik samar in resinsje fan dit album op yn fan myn favoriete musykwebstekken. Via in stream koe ik it album in pear kear belústerje. Wat ik hearde, befûl mei bêst. No bin ik net de grutste leafhawwer fan black metal, mar in potsje goede BM kin ik op syn tiid best úthâlde. It is black metal, dus de teksten binne hast net te ferstean, mar sa no en dan dúkt der wol ris in wurd frysk op.
Skym is ôfwisseljend, mei sawol snelle stikken en dielen wêr’t it tempo wat leger leit, en wêr’t it mear om de sfeer giet. Boppedat, yn tsjinstelling tot sommige oare black metalalbums dy’t ik kin, klinkt dit album ek noch ris goed. In lekker fol gelûd. Skym wurket it bêste op myn koptillefoan. Op de lûdsprekkers hjir yn de keamer hat it album it wat swierder. Mei namme yn de wat snellere dielen wurdt it gelúd hjir en dêr wat in brei (dat leit him seker ek oan myn apparatoer).

Einst wie ik net fan plan om Skym te keapjen. Safolle black metal lústerje ik ommers net. Mar doe’t ik it album, ta myn fernuvering, hjir by myn lokale hardrock- en metalspesjalist lizzen seach, koe ik it dochs mar moeilik lizze litte. Sadwaande ha Skym de lêste wiken faker heard as ik ferwachte hie.

In moai stik wurk fan de hearren fan Kjeld. Minder dan fjouwer stjerren kin ik it toch net jaan.

4.0*

Heerlijke Black Metal, lekker up tempo met hier en daar wat rust, maar wat een goede sfeer!